બ્લડ સુગરનું સામાન્ય સ્તર શું હોવું જોઈએ અને ડાયાબિટીસના દર્દીઓએ તેને ક્યારે ચેક કરવું જોઈએ તે વિષય પર ઘણીવાર લોકો મૂંઝવણમાં રહે છે. ખરાબ જીવનશૈલી અને ખાવાની ખોટી આદતોને કારણે ડાયાબિટીસ એક સામાન્ય પણ ગંભીર રોગ બની ગયો છે. આ રોગમાં શરીરનું બ્લડ સુગર લેવલ સતત વધતું અને ઘટતું રહે છે. તેથી ડોકટરો દર્દીઓને સલાહ આપે છે કે તેઓ ભોજન પહેલા અને પછી નિયમિત રીતે બ્લડ સુગર લેવલ તપાસે.
ભોજન પહેલાં બ્લડ સુગરનું સ્તર
જો કોઈ વ્યક્તિએ છેલ્લા 8 કલાકમાં કંઈ ખાધું ન હોય તો તે ઉપવાસની સ્થિતિ કહેવાય છે. સ્વસ્થ વ્યક્તિમાં આ સ્થિતિમાં બ્લડ સુગરનું સ્તર 70 થી 99 મિલિગ્રામ/ડીએલ વચ્ચે હોવું જોઈએ. જો ઉપવાસ દરમિયાન બ્લડ સુગર લેવલ 130 મિલિગ્રામ/ડીએલ કે તેથી વધુ હોય તો તે ડાયાબિટીસનું સંકેત ગણાય છે. આ કરતાં વધુ લેવલ સ્વાસ્થ્ય માટે ખતરનાક સાબિત થઈ શકે છે.
ભોજન પછી બ્લડ સુગરનું સ્તર
ભોજન કર્યા પછી બ્લડ સુગર ચેક કરવા માટે બે કલાક રાહ જોવી જોઈએ. ખાધા પછી સ્વસ્થ વ્યક્તિનું બ્લડ સુગર લેવલ 130 થી 140 મિલિગ્રામ/ડીએલ સુધી હોવું સામાન્ય માનવામાં આવે છે. જ્યારે ડાયાબિટીસ ધરાવતા લોકોમાં આ લેવલ 180 મિલિગ્રામ/ડીએલ સુધી પહોંચી શકે છે.
બ્લડ સુગર લેવલ કેવી રીતે ચેક કરવું ?
બ્લડ સુગર ચકાસવા માટે લેબમાં ટેસ્ટ કરાવી શકાય છે. ઉપરાંત, ઘરે પણ બ્લડ સુગર મોનિટરિંગ મશીન દ્વારા તપાસ કરી શકાય છે. આ મશીન ઓનલાઈન કે મેડિકલ સ્ટોર પરથી સહેલાઈથી મળી રહે છે.
ડાયાબિટીસ ધરાવતા લોકો માટે ખાસ સલાહ
ડાયાબિટીસ ધરાવતા લોકોએ પોતાના આહાર પર ખાસ ધ્યાન આપવું જોઈએ. ખૂબ મોડું રાત્રિભોજન ટાળવું જોઈએ અને સૂતાં પહેલાં ઓછામાં ઓછા બે કલાક પહેલાં જમવાનું પૂરું કરી દેવું જોઈએ. ફાઇબરથી ભરપૂર ખોરાક લેવું જરૂરી છે. નિયમિત કસરત કરવાથી બ્લડ સુગરનું સ્તર નિયંત્રણમાં રહે છે.
આ રીતે, ભોજન પહેલા અને પછીનું બ્લડ સુગર લેવલ જાણી તેના આધારે જીવનશૈલી અને આહાર અપનાવવો ખૂબ જ જરૂરી છે. તે ડાયાબિટીસથી થતા જોખમોને ઘટાડવામાં મદદરૂપ બને છે.
આ પણ વાંચો : આ મહિલા દિવસમાં ત્રણ વખત દહીં ખાતી હતી અને 117 વર્ષ જીવતી હતી, તેના મૃત્યુ પછી રહસ્ય ખુલ્યું.
આ પણ વાંચો : શું તમે પણ નવા કપડાં ધોયા વગર જ પહેરી લો છો,તો થઈ જજો સાવધાન
આ પણ વાંચો : લોહી લાલ હોય છે, તો પણ કેમ નસો લીલી કે વાદળી દેખાય છે? જાણો આ પાછળનું વિજ્ઞાન
