Instagram Reels દ્વારા ગીતની લોકપ્રિયતા ઝડપથી વધી રહી; મ્યુઝિક લવર્સમાં “બર્ફ” માટે જુસ્સો
ગુજરાતી મ્યુઝિક જગતમાં ફરી એકવાર સોશિયલ મીડિયાનો જાદુ દેખાયો છે. Reels પર જાણીતા ગાયક યશ દેસાઈનું લોકપ્રિય ગીત “બર્ફ” હાલમાં જોરદાર ટ્રેન્ડ કરી રહ્યું છે. Instagram પર એક Reels વાયરલ થતા આ ગીતનું ઓડિયો ઝડપથી પોપ્યુલર બન્યું છે અને હજારો યુઝર્સ એને રિ-યુઝ કરી રહ્યા છે.
યશ દેસાઈનું “બર્ફ” તેના મેલોડિયસ સંગીત, ભાવસભર શબ્દો અને યશ દેસાઈની અનોખી અવાજની ક્વોલિટીને કારણે યુવાનોમાં ખાસ પસંદગી બન્યું છે. ક્રિએટર્સ પોતાના કન્સેપ્ટ આધારિત Reels બનાવી રહ્યાં છે, જેના કારણે ગીતની પહોંચ સતત વધી રહી છે અને નવા શ્રોતાઓ જોડાઈ રહ્યા છે.
મ્યુઝિક ઇન્ડસ્ટ્રી નિષ્ણાતોના મત મુજબ, Instagram Reels પર ટ્રેન્ડ થતું કોઈપણ ગીત કલાકારો માટે મોટી તક બની જાય છે. “બર્ફ” ગીત પણ સોશિયલ મીડિયા પર મળતી લોકપ્રિયતાને કારણે ડિજિટલ મ્યુઝિક ટ્રેન્ડમાં પોતાનું સ્થાન મજબૂત કરી રહ્યું છે.
