સમયસર સૂવું ખૂબ જ મહત્વપૂર્ણ છે, પરંતુ આજના બદલાતા સમયમાં, મોડી રાત્રે સૂવું એ એક ફેશન બની ગઈ છે, જ્યારે આ આદત યોગ્ય નથી. જેના કારણે લોકોને ઘણી મુશ્કેલીઓનો સામનો કરવો પડી રહ્યો છે. નવાઈની વાત એ છે કે લોકો જાણે છે કે ઓછી ઊંઘ લેવી સ્વાસ્થ્ય માટે હાનિકારક છે, છતાં તેઓ બેદરકાર રહે છે. મોડી રાત સુધી જાગતા રહેવા પાછળ સ્માર્ટ ફોનનો ઉપયોગ એક મોટું કારણ છે, આ સાથે કલાકો સુધી ઇન્ટરનેટનો બિનજરૂરી ઉપયોગ પણ ઊંઘ પર અસર કરે છે.
આરોગ્ય નિષ્ણાતો કહે છે કે જો તમે યોગ્ય કાળજી નહીં લો તો તમને ઘણી સમસ્યાઓનો સામનો કરવો પડી શકે છે. આમાં ગંભીર રોગોનો પણ સમાવેશ થાય છે. આથી તમારે સમયસર સાવધાન રહેવાની જરૂર છે. ઓછી ઊંઘને કારણે કયા રોગો થઈ શકે છે તે નીચે જણાવીએ.
ઊંઘના અભાવે આ 5 ગંભીર રોગો થઈ શકે છે
1. હાર્ટ એટેક
ઊંઘના અભાવે હાર્ટ એટેકનું જોખમ રહેલું છે. કેમ કે આ સમયગાળા દરમ્યાન શરીરની અંદરના ભાગોનું સમારકામ થતું હોય છે. પરંતુ ઊંઘના અભાવે શરીર આ પ્રક્રિયા હાથ ધરી શકતું નથી, જેના કારણે હાઈ બ્લડ પ્રેશર થવાની શક્યતા વધી જાય છે. હાઈ બ્લડ પ્રેશરને કારણે હાર્ટ એટેકનું જોખમ વધે છે.
2. માનસિક સમસ્યાઓ
ઓછી ઊંઘ માનસિક સમસ્યાઓ વધારી શકે છે. ઓછી ઊંઘની સીધી અસર માનસિક સ્થિતિ પર પડે છે. ઊંઘના અભાવે, આપણું મગજ નવી ઉર્જા ભેગી કરી શકતું નથી, જેના કારણે મગજ તાજગી અનુભવી શકતું નથી. ઊંઘનો અભાવ ઘણી માનસિક સમસ્યાઓનું કારણ બને છે, જેમાં યાદશક્તિ સંબંધિત સમસ્યાઓનો પણ સમાવેશ થાય છે.
૩. ડાયાબિટીસ:
ઊંઘના અભાવથી ડાયાબિટીસનું જોખમ વધે છે, કારણ કે સારી ઊંઘનો અભાવ સુગર અને જંક ફૂડ ખાવાની ઇચ્છા વધારે છે. ઓછી ઊંઘને કારણે હાઈ બ્લડ પ્રેશર અને ડાયાબિટીસ જેવા રોગો થઈ શકે છે.
4. સ્તન કેન્સરનું જોખમ:
ઓછી ઊંઘને કારણે સ્તન કેન્સરનું જોખમ વધે છે, તે શરીરના કોષોને પણ ઘણું નુકસાન પહોંચાડી શકે છે. આનાથી બચવા માટે, આપણે સમયસર સૂઈએ તે ખૂબ જ મહત્વપૂર્ણ છે.
5. હાડકાની નબળાઈ:
ઊંઘના અભાવે હાડકાં નબળા પડવા લાગે છે. હાડકાંમાં હાજર ખનિજોનું સંતુલન બગડવા લાગે છે, જેના કારણે સાંધાના દુખાવાની સમસ્યા પણ શરૂ થાય છે.
